Canada Open-ah Kashyap leh Prannoy

India badminton star Parupalli Kashyap leh HS Prannoy te chu tunkar chhunga khelh tur Canada Open Grand Prix-ah an inlan dawn. Mipa doubles champion lai Manu Attri leh B Sumeeth Reddy te pawh an nomawi humhim tumin an inkawp ve leh bawk ang.

Seeded pahnihna Prannoy hian tun hnaiah Badminton legend pahnih Lee Chong Wei leh Chen Long te lakah hnehna a chang thei a, tun ṭumah pawh hian inrintawkna sang tak nen a inlan ang - a match hmasa berah Mexico star Job Castillo a bitum dawn a ni.

Commonwealth Games cham­pion Parupalli Kashyap hi seeded 16-na a ni a, a dar hliam a dam hnuah Australian Open-ah ṭha takin a khel leh thei tawh, tun ṭumah hian a match hmasa berah Peru tlangval Daniel La Torre Regal a hmachhawn dawn.