NorthEast United-in coach thar nei hnai

Indian Super League club NorthEast United chuan Malyasia lamah season hmasaa an coach Nelo Vingada an chân hnuin coach thar an nei hnai ve leh tawh a, Joao Carlos Pires de Deus chu inbiakna an neihpui mek.

Portuguese manager hian South African club ṭha Cape Verde-ah a coaching career a ṭan a, 2008-10 a enkawl hnuah an ram lamah kirin second division club AD Ceuta a enkawl. Cueta a chhuahsan hnuah Portuguese second division-ah S.C. Farense, Atletico Clube de Portugal leh U.D. Oliveirense-te chu season khat ṭheuh a enkawl.

Kum 2013-14 khan Portuguese leauge sang berah a vawi khat nan coach dinhmun a luah a, Gil Vicente F.C a enkawl. Season khat a enkawl hnuah a season hnihnaa match hmasa pathuma an tlawm vek hnuin ban a ni a, Sporting Lisbon B team lam a pan.

Sporting Lisbon B team hi season thum a enkawl hnuah ban a ni a, 2016-17 season tawp lamah match riat chiah khelh tur a awm tawh tihin tla thei dinhmuna ding mek Primera Liga club CD Nacional Funchal a zawm. Mahse, match riatah vawi khat chiah hnehna an chan hnuah Nacional hi a chhanhim zo chuang lo a, inhriatthiam tawnnain an inṭhen. Highlanders hi a zawm a nih chuan Nacional hnua a club enkawl leh hmasak ber tur a ni ang.