Roger Ropuia

Thawhṭanni zan Wimbledon last 16 inkhel dangah Roger Federer chuan Grigor Dimitrov lakah 6-4, 6-2, 6-4 a hnehin quarterfinal a lut a, Swiss star tan Grand Slam quarterfinal vawi 50 a luhna chiah a ni.

Kum 35 mi Federer hian vawiin tlai dar 4:00-ah Milos Raonic a hmachhawn zui leh nghal dawn, nikum finalist Raonic hian seeded 10-na Alexander Zverev chu inkhel inhnehtawk takah 4-6, 7-5, 4-6, 7-5, 6-1 in a hneh ve bawk.

Nikum khan Canadian tlangval Raonic hian semifinal-ah vawi sarih champion tawh Federer hi semifinal aṭangin a vaw chhuak a, kumina an inkhel leh tur hi a hmuhnawm ang.

Grand Slam vawi 18 champion tawh Fe­derer hi Wimbledon-a quarterfinal lut thei upa ber dawt a ni. Kum 1971 khan khatih laia kum 39 mi Ken Rosewall chu a sang pariat zingah a lo inhlangkai tawh bawk a ni.