Vawi 10 nan Murray

Champion lai Andy Murray chuan darkar hnih leh minute 21 chhungin Benoit Paire chu 7-6 (7/1), 6-4, 6-4 a hnehin a zawna a vawi 10 nan Wimbledon quarterfinal a lut.

World number 1 Murray hian zaninah Sam Querrey a hmachhawn leh nghal ang, seeded 24-na Querrey hi tun hmain vawi sarih a hneh tawh a, ṭum khat chu a ngam lo thung. American star Querrey hian inkhel inhnehtawk takah Kevin Anderson chu 5-7, 7-6 (7-5), 6-3, 6-7 (11-13), 6-3 in a hneh a ni.

Rawlthar beiseiawm berte zinga mi Dominic Thiem chu Tomas Berdych lakah 6-3, 6-7(1), 6-3, 3-6, 6-3 in a chak lo. Kum 2010 Wimbledon finalist Berdych hian Novak Djokovic leh Adrian Mannarino te inkhela chak zawk a hmachhawn ve leh thung dawn a ni.