Transfer-a sum chevelin Benitez tihrilhhai

Newcastle manager Rafa Benitez chuan nipui transfer-a a duh ang player a lak theih lohna chhan chu club ṭhenkhatin manto uchuak taka player an lakluh vang a nih thu a sawi.

Kum 57 mi Benitez chuan, "Club lianin sum an ngah a, club tam takin sum sen an hreh lo. Hei hi club ṭhahnem tak tan chuan buaina tham a tling a, transfer bazar hi hriat­thiam a har a ni," tiin a sawi.

Premier League kai­thar Newcastle United hian Chelsea winger Chris­tian Atsu leh Eibar defender Florian Lejeune te chiah an la lalut. Newcastle neitu Mike Ashley chuan Spanish manager Benitez hman theih turin pound maktaduai 100 chhawpchhuah sak a tum thu a sawi tawh.

Liverpool leh Real Madrid manager hlui Benitez hian sum hman tur a ngah niin lang mah se kumina sum che vel aṭanga thlir chuan player ṭha lakluh a harsa tho ang. Player pahnih lakluh nana an sum hman tawh zat hi pound maktaduai 15 bawr vel a ni.

Benitez chuan, "Kan din­hmun kan hria a, club tam takin an duh ang player an lakluh tawh avangin kan awm dan hi a lungawi thlak loh. Chu­tih­rualin kan dinhmun siam ṭhat tumin theihtawp kan chhuah a ni," tiin a sawi.