Pacquiao result a danglam lo

Weight division pa­riata champion thei Manny Pacquiao chu Jeff Horn laka sawisel hlawh taka a tlawm hnuin boxer pahnih inhnekna hi WBO judge-te chuan an ennawn a, a result ngai tho a nih thu an sawi.

Kum 38-a upa boxer hian Horen nena an inhnek kha WBO hnenah thlirletna nei turin a ngen a, WBO chuan Pacman dilna ti hlawhtlingin an ennawn. An chhanna erawh, "Pac­quiao hian round nga­ah hnehna a chan laiin Horn hi round sarihah a chung­nung zawk a ni," an ti.

WBO chuan boxer pahnih inhnek chu judge panga an hming tarlan remchang lo, ram hrang hrang ami ten a ri (sound) tel loin an en a, chumi hnuah thutlukna an siam a ni, tiin an sawi.

Pacam leh Horn in­hnek result hi tih danglam theih ni tawh lo mah se, mipui ten WBO rorelna tlang zia an hriat theih nan thlirletna hi neih a nih thu WBO chuan an sawi.

WBO thupuangtu chuan, "Dik lo tak emaw dan bawh­chhiatna thil a thleng a nih loh chuan result hi thlak danglam theih a ni lo," tiin a sawi a, mipui ngaih­danah Pacman chak mah se WBO ngaihdan a ni ve lo.