Pound maktaduai 50 man Sigurdsson

Swansea City chuan tun hnaia chhuak tur anga sawi awm an midfielder Gylfi Sigurdsson chu pound maktaduai 50 man a nih thu an sawi. Lei­cester City chuan Iceland international hi pound maktaduai 40-a lakluh tumin an dawr a, Welsh club hian an hnar hnuah an midfielder man zat atana an beisei zat hi an tarlang nghal a ni.

Kum 27-a upa mid­fielder hian season hman zawh takah khan Swansea tan goal kua khungin assist 13 a nei thei a, relegate thei dinhmuna ding club hi a chhanhim. Transfer bazar inhawn rualin Premier League club-te chil tiput­tu a ni a, Leicester bakah hian tun hnaia sum seng hnem tak Everton thawm a ri ring hle.

Sigurdsson hian season hmasa khan Swansea-ah hian contract thar a ziak ve leh chauh a, a contract neih lai ang chuan Welsh club-ah hian kum thum dang a la nei. Club-a player hlawh hnem ber niin kar khatah £70,000 vel a hlawh mek a, amah lalut duh tan chuan a man zat piah lamah a hlawhah insen huai a ngai dawn tihna a ni.

Swansea-in pound maktaduai 50 chhiar mah se Sigurdsson duh­tu langsar Everton an inkiltawih phahin a rinawm loh. Merseyside club hian Manchester United lamah an striker chhuanvawr Romelu Lukaku chu pound maktaduai 75 zeta an kaltir avangin sum hman tur an nei a, an hmang mek zel bawk.

Nipui transfer-ah pound maktaduai 30 thlenga an man sang chho thei ve ve turin Burn­ley defender Michael Keane leh Sunderland aṭangin goalkeeper Jordan Pickford-te an lalut a, Ajax captain Davy Klaassen chu pound maktaduai 23.6-a lalutin striker Sandro Ramirez chu pound mak­taduai 5.2-in an lalut tawh a, Wayne Rooney an nei leh tawh bawk - an la duhtawk lo.