Batistuta-a'n harsatna a nei
Argentine legend Gabriel Batistuta chuan kum 17 zet football khawvela hun a hman hnuah mi pangngai anga ke pen a harsat thu a sawi. Kum 48 mi Batistuta hian kum 2005 khan football a chawlhsan a, a chawlh hma hian Newell's Old Boys, River Plate, Boca Juniors, Fiorentina, AS Roma, Inter Milan leh Al-Arabi tan a khel.
Ram tan vawi 78 inlana goal 56 khung thei striker chuan, "Ka theihna bak piah lamin ka khel ṭhin a, chu chuan tun hnuah nghawng neiin ke pen ka harsat phah a ni," a ti.
Fiorentina tan a khelh laia match 332-a goal 207 khung thei striker hian kum 2014 khan a ke na avangin doctor-te hnenah tan sak mai turin a lo ngen tawh a, mahse uluk taka enkawlna pek a nih hnuah tan em erawh ngai loin a awm a, ke pen lamah erawh harsatna a neih chhunzawm ta reng a ni.