Lewandowski an thlawp ṭha - Bayern CEO

Bayern Munich CEO Karl-Heinz Rummenigge chuan an striker Robert Lewandowski-a'n goal khung turin a ṭhiante puihna a hmuh ṭhat tawk thu a sawi.

Poland international hian season hmasa khan Bundesliga match 33 a khelh aṭangin goal 30 a khung a, Borussia Dortmund striker Pierre-Emerick Aubameyang chu goal khatin a tluk lo - Gabon star kutah Golden Boot hlan a ni.

Kum 28 mi Lewan­dowski hian goal khung kawngah a ṭhian ten an thlawp ṭha tawk lo niin a sawi tawh a, mahse he a thusawi hi Bayern CEO chuan a pawmpui ve lo.

Rummenigge chuan, "Robert Lewandowski-a agent Maik Barthel nen kan inbe tawh, puihna a dawng ṭha tawk lo deuh niin a inngai, hei lo chu buai­na dang a awm lo," a ti.

An club khelh dan chung­chang sawi zuiin Rum­menigge chuan, "Player ṭhenkhatin goal khung tura hun ṭha an hmuh chuan an bawlh pelh tur a ni bik lo, hei chu thil thiang a ni. Lewy hi a ṭhian ten goal khung hnem ber ni turin an pui ṭha tawk a, a remchan phawt chuan ball an pe ṭhin. Goal khat a khung niah Aubameyang-a'n goal hnih a khung avangin lawmman dawngtu a danglam phah mai a ni," tiin a sawi.