Zanin aṭangin India vs Zimbabwe

Zanin hian India leh Zimbabwe chuan ODI match thum an khelh tura hmasa ber chu Harare Sports Club-ah an khel dawn. Men in Blue hi KL Rahul captain-na hnuaiah an khel ang a, Shikhar Dhawan chuan vice captain hna a chelh ang.

Rahul hi Covid-19 vangin West Indies nen series an khelh ṭumin a inlan lo a, hemi a nih avang hian Shikhar Dhawan chu captain tura ruat a ni hman. Amaherawhchu Rahul hi a dam leh hman tak avangin Dhawan hian vice captain hna a chelh zawk dawn.

Zimbabwe nen ODI match thum an khelh turah hian Rohit Sharma, Virat Kohli, Rishabh Pant, Shreyas Iyer, Jasprit Bumrah leh Mohammed Shami te chu hahchawlhtir an ni.

Bumrah bik hi a dar (shoulder) na vangin August 27 aṭanga khelh ṭan tur Asia Cup-ah pawh a tel lo ang. Washington Sundar pawh squad-ah telh zet mah se dar hliam vang thoin a inhnukdawk.