Wawrinka hnehtu Murray

Andy Murray chuan Stan Wawrinka hnehin Cincinnati Open khelh laiah bul a ṭan fuh hle, round of 32-ah amah ang bawka British player Cameron Norrie nen an inhmachhawn leh ang.

Nimin zing inkhelah, world number 1 hlui hian amah ang bawka hliamin a tihbuai Wawrinka hi 7-6 (7-3), 5-7, 7-5 in a hneh a, round sang zawk a luh avang hian US Open atan seeded nih phak beiseina a chhawm nung.

Inkhel dangah Murray-a hnampui Norrie hian 7-6 (7-5), 4-6, 6-4 in Denmark tlangval Holger Rune a lo hneh ve bawk. British number 1 Norrie hi Murray lakah pawh rinkai zawk a ni chhunzawm dawn.

Chak lo Wawrinka hma lam hun a êng hleithei lo. Grand Slam vawi thum champion tawh hi a ke phah hliam vangin April thla hnua a inkhelh lehna hmasa chauh a ni a, a hliam ngai bawk hi enkawl nawn leh a ngai.

Murray leh Wawrinka te hi major title pathum ve ve la tawh an ni a, player ropui Roger Federer, Rafael Nadal leh Novak Djokovic te hun laia Grand Slam champion thei an ni, kum 30 an chuan hnuah hliam vangin an buai a, an nih tur ang tak an ni phak lo.

August 29 aṭang hian New York khawpuiah US Open khelh a ni dawn. Season khat chhunga Grand Slam hnuhnung berah hian harsatna lian dang an nei a nih loh chuan inlan ngei an tum ang.