Donnarumma-a'n contract thar ziak

AC Milan goalkeeper ṭhangduang Gianluigi Don­narumma chuan kum li daih contract thar a ziak, Italy international hian kum khatah pound mak­taduai nga zel a hlawh ang.

Kum 18 mi Donna­rum­ma hian kum khat daih bak contract a nei tawh lo a, June thla khan contract thar a hnar tawh. Europe club lian ṭhenkhatin ngaihven viau mah se tunah chuan a chhawr chhuahna Milan tan a khelh chhunzawm leh rih zawk dawn.

Milan tana match 72 khel tawh Donnarumma contract thara ziah dan chuan amah lei chhuak duh tan sum sen hnem a ngai dawn. A club hi Europe-a an inlan phak lo a nih chuan pound maktaduai 44 velin club dang tan dawr theih a ni dawn a, European football an khelh phak pui dawn a nih erawh chuan pound maktaduai 88-ah a pung chho thung dawn a ni.

Season thara Europe League khel tur Milan chuan thuchhuah siamin, "AC Milan chuan khaw­vela keeper rawlthar duh­awm ber pakhat kan chelh zui dawn, kum 2021 thleng daih contract ziah a ni," an ti.

Donnarumma hian kum 16 leh ni 242 chauha upa a nih laiin Milan first team tan a khel ṭan a, season hmasa khan Serie A match 38-ah a inlan kim vek.