Marseille-ah Mandanda a kir
Crystal Palace goalkeeper Steve Mandanda chuan Premier League club chhuahsanin a club hlui Marseille lam a pan a, kum thum cham tura contract ziakin a man zat erawh puanzar a ni lo thung.
Kum 32-a upa goalkeeper hian July 2016 khan Marseille aṭangin Palace hi a zawm a, league match kua chiah a khelh hnuah a hmangaih hmasa lama kir leh turin thutlukna a siam leh ta zawk a ni.
Mandanda hian nikuma Palace a pan hma hian season kua chu Marseille-ah a hun a hmang a, French club tan hian match 443 khelin league nomawi pakhat leh French League Cup (3) a chawipui.
Palace a pan hmaa France-a a season hnuhnung berah Ligue 1 goalkeeper of the year-ah thlan a ni a, Marseille fan-ten fapa rangkachak tlanbo, kir leh lawmin an lo lawm ang.