Bengaluru-ah Spanish midfielder

Indian Super League club thar Bengaluru FC chuan Spanish midfielder Dimas Delgado an lalut. Bangalore club hian kar hmasa lawk khan Australian midfielder tawnhriat nei ngah Erik Partaalu an lo lalut tawh bawk a, ISL-ah tih mai mai an tum lo.

Kum 34-a upa Dimas hian Barcelona B team tan pawh a lo khel tawh a, La Liga-ah CD Numancia tan 2008-09 season-ah khan a lo inlan ve tawh bawk. Segunda division lama an tlak leh thlengin Numancia-ah hian kum hnih a khelh chhunzawm a, Spanish club vek FC Cartagena leh Recreativo de Huelva-ah a khelh chhunzawm.

Kum 2015 khan Spain pawn lama a khelh vawi khat nan Australia lamah a kal a, A League club Western Sydney Wanderers-a zawm. Western Sydney tan kum hnih khelh chhunzawmin tunah chuan Bengaluru player a ni dawn ta.

Barcelona assistant manager hlui Albert Roca enkawlna hnuai khel tur Bengaluru hian Indian senior player an chelh theih zingah Sunil Chhetri leh Udanta Singh chu kum thum chhung atan contract an ziahpui tawh a, ram pawn player John Johnson leh Juanan-te an chelh thei bawk.