Costa-a'n Turin a pan
Bayern Munich midfielder Douglas Costa chuan loan hmanga Juventus zawm turin Thawhlehni khan Turin a pan a, nimin khan medical test nei zuiin he thu i chhiar lai hi chuan inremna an ziak fel hman tawh hial ang.
Brazil international Costa hi Juventus hian season hnih chhung loan hmangin an hawh dawn a, club pahnih inrem dan chuan loan a zawh hunah Italian champion Juve hian a nghetin an lalut thei bawk ang.
Kum 26 mi Costa hian season hmasa khan Carlo Ancelotti enkawlna hnuaiah hmun pawimawh a chang phak lo, Arturo Vidal leh Kingsley Coman te an awm ve bawk avangin Bundesliga match 14-ah chiah inkhel bul a ṭan thei - Bayern hian Real Madrid aṭangin James Rodriguez chu loan hmangin an hawh fel leh tawh bawk.