Agus Garcia a chawl

Season hman zawh tak Indian Super League-a ATK champion puitu defender Agus Garcia chuan inkhelh a chawlhsan thu a puang a, kum 35 mi defender hian Kolkata club tan match 14-a khelhsak hman a ni. 

Spanish club Albacete aṭanga inzir defender hian club hrang hrang zingah Real Madrid B, Cordoba, Mallorca, Celta Vigo leh Turkish Super Lig club Orduspor tan pawh a lo khel tawh a, Albacete tan La Liga pawh lo khel tawhin a hun tam zawk hi Spanish second division lamah a hmang. 

Major League Soccer club Houston Dynamo tan pawha lo khel tawh defender chuan, "Kum 16 zet professional footballer nia hun ka hman hnuah ka career chu ka mangṭha ve ta," tiin twitter lamah a chawlh thu hi a puang.