Real Madrid squad-ah Morata

La Liga leh Champions League champion Real Madrid-in United States-a pre season training nei zingah Chelsea nena sawi zawm striker Alvaro Morata a tel.

Real hian captain Sergio Ramos leh Confederations Cup khelh vanga chawlh hun pek rei Cristiano Ro­nal­do te erawh an tel lo. Spa­nish striker Morata tan Los Angeles hi hmun thlanawm ber a ni lo a, a chhan chu nipui transfer-a amah dawrtu Manchester United chu chil chhak phak lekah training an neih ve vang a ni.

United-in Romelu Luka­ku an lak tak avangin kum 24 mi Morata hmalam hun a la chiang lo a, Spanish forward hi Chelsea chuan pound maktaduai 62-in an lak an tum nia sawi a ni. Morata hian Real tana khelh chhunzawm zel aiin English club hi a zawm tura ngaih a ni a, chutihrualin pre-season khel tura United States a pan avangin Juventus stri­ker hlui hmalam hun hi a chiang lo lehzual.

Transfer laia inhmufuh thei lo Real leh United hi training-na hmunah pawh an buai chhunzawm a, English club hian hotel leh training-na tur khelmual ṭha zawk an chang nia sawi a ni. Spanish champion hi UEFA-in club ranking a tihchhuahah pakhatna an ni a, United erawh 16-naah an awm pha chauh.

Club lian pahnih hi July 23 khian friendly match an khel dawn a, hei bakah hian August 9 khian Philip II Arena, Skopje-ah Real leh United te hi UEFA Super Cup-ah an inhmachhawn ang.

Squad
Goalkeepers: Keylor Navas, Kiko Casilla, Ruben Yanez, Luca Zidane
Defenders: Dani Carvajal, Raphael Varane, Nacho, Marcelo, Theo Hernandez, Danilo, Luis Quezada, Alvaro Tejero, Achraf Hakimi, Manu Hernando
Midfielders: Toni Kroos, Casemiro, Luka Modric, Isco, Mateo Kovacic, Oscar, Franchu
Forwards: Karim Benzema, Gareth Bale, Lucas Vazquez, Alvaro Morata, Dani Gomez