Ni 100 chhung TT coaching

Mizoram Table Tennis Association, Sports & Youth Services Depart­ment bakah Mizoram State Sports Council ṭang­­kawpin a buatsaih, 100 Days Table Tennis Intensive Coaching Programme thawh khatna chu nimin khan Lunglei Bazar Veng Table Tennis Hall-ah neih ṭan a ni.

Lunglei district chhung player-te tana buatsaih he training-ah hian player 43 an inziak lut a, NIS chhuak SYS TT coach Lalsangliana Hmar leh assistant coach C. Vanlalruata ten zirtirna an pe dawn a ni.

MTTA ruahman dan chuan TT Intensive coaching programme hi district pathumah khalpui phawt tur a ni dawn. July 15, Inrinni hian Serchhip district-ah neih ṭan tur niin July thla tawpah Kolasib-a neih ṭan tur a ni bawk ang.

Intensive Coaching Programme hi chhawng thum (3 phase) a kalpui tur a ni. Phase hmasa ber hi (25-30 days) niin 2nd Phase (25-40 days) leh 3rd Phase (25- 40 days) ten a zui ang.

ICP Phase hmasa ber hi mumal taka registration ti leh District Level Committee in a pawm ten training programme an zawm ang a. Heta ṭang hian talent ṭha zual thlan chhuah an ni ang - chung mite chuan Phase hnihna an zawm thei chauh dawn a ni.

3rd Phase programme zawm thei pawh, 2nd Phase players performance aṭanga thlan leh tur niin training zawh hnuah ICP Inter-District Championship Competition buatsaih rur a ni. He training-in a tum ber pakhat chu Mizo player theihna neiṭha leh chherhriam tlakte zawn chhuah a ni.

MTTA honorary secretary Sailo­liana Sailo chuan, "Tun hma lama coa­ching kan kalpui tawh ṭhin ang ni loin, ni zat bituk neia hma kan lak vawi khatna a ni a, thawhhona ṭha tak hnuaiah player ṭha kan chhar chhuah theih ngei kan beisei," tiin Vanglaini a hrilh.