Bopanna-ten quarterfinal lut

Indian tlangval Rohan Bopanna leh a kawppui Gabriela Dabrowski te chuan Wimbledon quarterfinal an inhlangkai a, hetih lai hian Sania Mirza leh Ivan Dodig te erawh last 16 paltlang loin an zinkawng a tawp thung.

Nilaini zan All England Club-a inkhelah French Open mixed doubles champion Bopanna leh Dabrowski te hian darkar khat leh minute thum chhungin Croatian pair Nikola Mektic leh Ana Konjuh te lakah 7-6 (5), 6-2 in hnehna an chang.

Seeded 10-na Bopanna te hian quarterfinal-ah chuan Henri Kontinen leh Heather Watson te ṭang­­dun an hmachhawn leh ang. Last 16 inkhel pakhat zawkah Watson te hian India nula Sania leh a ṭanpui Dodig te chu 7-6 (4), 6-4 in an hneh ve thung a ni.

Kum 37-a upa Bopan­na hian Wimbledon bikah hian mixed doubles inelna huangah quar­terfinal a vawi khat khelhna tur a ni a, kumin­ah chuan India star zingah ani chiah hi dam awmchhun a ni tawh.