FIFA thubuai nei Blazer a thi

Eiruk thubuai avanga football kaihhnawih hrim hrima inhnamhnawih thei lo tura damchhung atana hrem tawk US football official Chuck Blazer chu kum 72 mi niin a thi a, a dan hremi chuan a natna hi cancer a nih thu a sawi.

North leh Central Ame­rica football thuneitu sang ber CONCACAF boss hlui hi kum 2013 khan thamna sum la, chhiah awlru leh sum chheprelhah puh a ni a, hming chher nana a lo hman tawh football chu hmingchhe takin a mangṭha a ni.

Chuck-a dan hremi chuan, "Kan ṭhian leh thawhpui, Chuck-a thihna hian min nghawng takzet a ni. A humsual lo dai tawh, amah ngei pawhin a pawm thlap a thil tihsual kha football-a a hnathawh ṭha tak takte hliahkhuh tur chuan an tling tawk lo," tiin Blazer thih thu hi an puang chhuak.