Police vs I League champion

Mizoram Police-in MFA Super Cup Group F winner zawnnaa I League champion Aizawl FC hmachhawn thei turin nimin khan RG Stadium-ah Kolasib Ṭumpui GSA 9-0 in an sawp - Thawhṭanniah Lammualah Police leh AFC an inkhel ang.

Nimin inkhel dangah MPL club Chanmari West FC-in Kanan FC 3-0 in an hneh a, West Warrior hi Hming Hming FC 2-1 a hnehtu Zauva Memorial FC nen last 16-ah inhmachhawn ang.

Fak phu Police

Mizoram Police-in MPL khel tura an tlin hnuah inpuahchahna an nei ṭha a, khelmualah an thawhrim rah a lang.

Kolasib Ṭumpui lakah Lalbiakhlua'n minute thumna lekah goal an khung ṭan a,. MPL club tan Lalfakzuala'n hattrick siam zuiin Lalramtharmawia, F. Lal­rinpuia, F. Zosangliana leh Lal­hmunmawia ten goal khat ṭheuh khungin Ṭumpui player James Lallianmawia'n an lamah a ti goal bawk.

West Warrior an ni tlat!

Chanmari West-in third divi­sion club Kanan FC lakah 3-0 in hnehna an chang. West Warrior tan hian Lalnunmawia'n goal hnih khungin Jacob Lalrawngbawla'n goal khat a khung bawk a, season liam taa I League player pahnih hian SYS Academy an hneh ṭumin hetiang zat bawk hi goal an khung.

West Warrior hian Thawhṭan­ni chhun dar 12:00-ah Zauva Memorial FC an hmachhawn ang.

Inkhel Results
RG Stadium
Group F - Second Round
Mizoram Police FC 9 - 0 Kolasib Ṭumpui GSA
MPFC : Lalbiakhlua 3'; Lalfakzuala 16', 30', 63'; Lalramtharmawia 41'; F Lalrinpuia 48', F Zosangliana 87'; James Lallianmawia 90' (OG); Lalhmunmawia 90+1'
Group G - Second Round
Hming Hming FC 1 - 2 Zauva Memorial FC
HMI : J. Lalremruata 64'
ZAU : Lalhlimpuia 23', 70'
Chanmari West FC 3 - 0 Kanan FC
CWFC : Lalnunmawia 20', 90+2'; Jacob Lalrawngbawla 39'