Mizoram an chak lo

Mizoram team chuan Oorja - CAPF Under 19 Football Talent Hunt Tournament final round-a an match hmasa berah Sikkim 2-3 in an hneh lo.

Nimina Delhi-a inkhelah Mizoramin N.G. Laldinpuia hmangin minute 43-naah hma an hruai a, Sikkim-in minute 57-naah Nima Sherpa hmanga an s iphurh sutin Robin Sharma (63') leh Amrit Tamang (68') hmangin an khung belh a, minute 71-naa Lalchhuanmawia goal-in Mizoram tan result a tidanglam pha lo.

Mizoram hian tukin zing dar 7:30 hian Sikkim 2-1 a hnehtu Punjab an hmachawn ang a, group khat aṭanga pahnihin semifinal an luh dawn avangin Mizoram tan beisei tur a la awm.

Mizoram coach Lal­rem­ruata chuan, "Khua a lum si a, kan fitness a ṭha tawk lo a ni. July 7-11 chhung zin nan kan hmang a, ni hnih practice-na hun kan neih pawh min enkawltu lamin practice a ngaih pawimawh loh vangin kan hmang ṭangkai thei lo a, training nei miah loa inelna kan hmachhawn hi kan tuar a ni," tiin Vanglaini a hrilh.