Tun ai hian kan la ṭha thei - Draymond Green

NBA Defensive Player of the Year nilai Dray­mond Green chuan tun dinhmuna an khelh dan chu Golden State Warriors ṭha ber a la nih loh thu a sawi a, hmasawnna tur an la neih thu a sawi bawk.

June thla khan Golden State hian Cleveland Cavaliers 4-1 a hnehin NBA nomawi an chawi a, tun hnai kum thum chunga an vawi hnih champion-na a ni. Octo­ber aṭanga season ṭan turah an champion leh a nih chuan a zawna NBA champion thei team pasarihna an ni ang.

Kum 27 mi Green chuan, "Kan team hian kan ṭhat theih berin kan la khel chhuak lo a, tunah hian hmasawnna tur kan la nei a, season tharah chuan hei aia ṭha zawk hian kan khel thei tih ka chiang, kan khelh chhuah ngei pawh ka ring," tiin an elpui club-te tana thu ngaihnawm loh tur tak a sawi.

Green hian GSW team-ah Kevin Durant, Stephen Curry leh Klay Thompson te a khelh pui mek a, season hmasa khan playoff match 17 an khelah ṭum khat chiah chak loh an nei.

Green chuan sawi chhun­zawmin, "Ka hmuh dan chuan team ṭha ber kan ni a, mah se hei hi a tawk lo. Keini hian NBA a hlut zual zel theih nan thapui kan thawh chhunzawm zel tur a ni," tiin a sawi.