Farah hun hnuhnung

British distance run­ner Mohamed Farah chuan August thlaa neih tur World Championship chu an ram chhung bika intlansiak huanga a inlan hnuhnung ber tur a nih thu a sawi.

August 4-13 chhung hian London-ah inelna hi neih tur a ni a, khawvela tlan chak ber record siamtu Usian Bolt tan pawh a hun hnuhnung ni tawh tura ngaih a ni bawk.

Olympic gold medal pali dawng tawh Farah chuan, "Ka hringnuna ka hriatreng tawh tur ni chu a lo thleng hnai tawh, inelna neih zawh hnuah chuan ka chawl ve tawh ang," tiin a sawi.

Kum 34 mi Farah hian kum 2012 London Olympic-ah khan 5,000m leh 10,000m intlansiakah gold a la a, nikuma neih zawh tak Rio Olympic-ah khan heng inelna pahnihah hian a champion leh bawk.

World champion vawi nga ni tawh Farah chuan sawi chhunzawmin, "Min ṭantu ten min thlawp ṭha em em a, an hnena lawmthu sawi ka ba. Ka hun hnuhnungah hian a ṭha thei ang bera chet ka tum ang," a ti.