Thenzawlah I Day football

Tui tla an neih avangin Thenzawl Zone Football Association buatsaih, I Day 2022 football tournament khelh zawh mai theih a ni lo a, vawiin hian a hmawr bawkna an nei dawn chiah.

Chawhnu dar 2:00 hian Thenzawl Field Veng leh Neihloh ten nomawi an inchuh dawn, tualchhung mipui lamin football an ngaihhlut avangin a hmuna entu pawh an ṭhahnem leh hle tura ngaih a ni.

TZFA I-Day football tournament-ah hian Thenzawl khawchhung YMA Branch pakua aṭangin team 11 an tel. Thenzawl bakah Kanghmun South, Zote South, Buangpui leh Neihloh Branch YMA team an tel bawk.

Final hi August 15, Thawhṭannia khelh tura ruahman lawk ni mahse, Thenzawlin vanduaithlak taka tui tla an neih avangin, ni hnih chhung tournament hi chawlh lailawk a ni a, hei vang hian final hun pawh an sawn tlai.