Spurs defender thar Destiny Udogie

Tottenham Hotspur chuan defender Destiny Udogie chu Udinese aṭangin an lalut. Serie A club aṭanga player lei nan hian pound maktaduai 15 an seng a, kum nga cham turin contract an ziahpui nghal a ni.

Udogie hi kum 19 mi chauh a la ni a, a man hi pound maktaduai thuma sang chho leh thei tur a ni. Tun season atan chuan Italy Under-21 international hi Udinese lamah bawk loan hmangin a kir leh ang.

Season hmasa khan Udogie hian Serie A match 35 ngawt a khel, assist vawi li neiin team tan a thawhhlawk hle. Spurs manager Antonio Conte-a'n nakin lama chhawr turin a lo lei lawk tihna a ni.

Tun nipui bazar chhungin Spurs hian Udogie hma hian Ivan Perisic, Richarlison, Fraser Forster, Yves Bissouma, Clement Lenglet leh Djed Spence te an lo lei tawh bawk.