Thla khat vel chawl tur Angel Di Maria

Juventus forward thar Angel di Maria chu malpui hliam vangin thla khat vel a chawlh a ngai dawn. Argentina international hian Old Lady tana a match hmasa berah goal khung mah se, hliam vanga thlak a ngai a ni.

Sassuolo an hneh hlim khan Juve manager Massimiliano Allegri chuan a player chawlh chen tur a la hriat loh thu a sawi. Thawhlehni khan a hliam hi endik zui niin, Football Italia tarlan dan chuan thla khat vel a chawl ang.

Di Maria hian Sampdoria (August 22), AS Roma (August 27), Spezia (August 31), Fiorentina (September 3) leh Salernitana (September 11) te a hmachhawn thei dawn lo tihna a ni a, a club tan chuan channa nasa tlan a tling ngei ang.

Nipui bazarah Bianconeri hian Paul Pogba pawh an la thar. Mahse, Manchester United tana contract hmang zo hlim pawh hi hliam vangin a chawl mek a, season tir lamah an ṭhat dan berin an khel thei dawn rih lo.