India aiawh tur Mizo tlangval
21st International Boxing Simon Tretsin Memorial Tournament-a India aiawh tur boxer panga thlanchhuah zingah Mizo boxer Laldinmawia a tel. Tuipui tlangval hian vawiin hian inelna neihna hmun tur Odessa, Ukraine panin India a chhuahsan dawn a ni.
Boxing Federation of India (BFI) chuan Ukraine-a inelna neih turah hian Elite (senior) men-a inlan tur hian boxer panga a tir chhuak a, SAI (2007 batch) aṭanga inzir chhuak Laldinmawia hian flyweight (kg 52)-ah India aiawhin glove a bun ang.
Junior-a India tana bronze medal pawh lo hnek chhuak tawhtu Laldinmawia hi Zosanga leh Hrilthangi te fapa a ni a, Army boxer niin Signal Regiment 1 Signal Training Centre, Jabalpur, Madhya Pradesh ah a awm mek.