LDFA II Division Tourney
Lunglei District FA-in an huamchhunga II Division club te tana a buatsaih Championship Tournament chu nimin khan Ṭhuamluaia Mualah khelh ṭan a ni a, July 28 hian final khelh tur a ni ang.
LDFA hnuaiah hian II division club 11 an awm a, heng club-te hi group paliah ṭhen niin an inkhelh kual hnuah a sang ber zelin semifinal an lut ang. Final thleng phak pahnihte chu season tharah first division club-ah an inhlangkai ang.