Milan-ah midfielder Biglia

AC Milan chuan an elpui Lazio aṭangin Lucas Biglia chu pound maktaduai 15-in an lalut. Argentina international midfielder hian Milan tan kum thum daih contract a ziak.

Kum 31 mi Biglia hian season hmasa khan Lazio tan inelna hrang hrangah match 28 khelin goal thum a khung. Argentina tana match 50 khel tawh Biglia-a'n Milan a panna zat (£15million ) hi pound maktaduai 17.5 thlenga sang chho leh thei tur a ni.

Season thara Europa League khel tur Milan hian an goalkeeper ṭhang duang Gianluigi Don­narumm chu contract thar an ziahpui tawh a, tun nipui transfer chhungin Biglia bakah Andrea Conti, Andre Silva, Hakan Calhanoglu, Mateo Mu­sacchio, Ricardo Ro­driguez, Franck Kessie leh Fabio Borini te chu San Siro-ah an seng lut tawh a ni.