Senegal football-ah chhiatna a thleng

Demba Diop stadium, Senegal-a Stade de Mbour leh Union Sportive Ouakam-ten League Cup final an khelh zawh hnuah fans intihbuai vangin stadium bang a chim a, mi pariatin nunna chanin mi 90 an inhliam. Senegal-a tun thla chhunga infiamna leh cultural event awm zawng zawng chu an titawp rih.

Senegal-a League Cup final-ah hian minute 90 chhung chu club pahnih hi 1-1 in an inhnehtawk a, mah se extra time khelh a nih hnuah Mbour chuan goal khungin 2-1 in hnehna an chang. Hun tawp hamrik a rik rualin buaina hi a chhuak chhunzawm ta nghal a ni.

Buaina a chhuah hian lehlam pawl ve ve hi lung hmang hiala an invawm avangin an in phek sual ta a, mipui tam tak kalkhawm zinga buaina chhuak chu stadium siamṭhat ngai tawh tak hian dawl loin a bang a chim phah.

Senegal president Macky Sall thupuangtu chuan an hma lawka inthlan lo awm tur atana campaign zawng zawng pawh nunna chan ta te an zahna lantir nan tihtawp lailawk a nih tur thu a puang a, midangte zirtir nan he buaina thlen­tute chu a na thei ang bera hrem an tum thu a puang bawk.