Marseille-ah Spurs striker lut dawn

Tottenham Hotspur chuan an forward Clinton Njie chungchangah Marseille chu inremna an neihpui a, an inremna zat tak hi tarlan ni lo mah se Cameroon international hian France a pan dawn tih erawh a chiang tawh.

Kum 23-a upa striker hian season hman zawh tak kha loan-in Marseille-ah hian a hmang tawh a, goal li khungsakin tunah chuan a ngheta an tana khel turin an lalut ta a ni.

Njie hian kum 2015 khan French club Lyon aṭangin Spurs hi pound maktaduai 10-in a zawm a, December 2015-ah khan khup hliam vanga a buai avangin London club-ah beisei a phak lo chhunzawm - match 14 chiah a inlan sak hman.

Spurs chuan, "Clinton hi a hma hun zel atan duhsakna sang ber kan hlan a ni, " tiin an player hi an thlah.