FC Bethlehem-in Sena Ralte an lalut

Mizoram Premier League kai thar FC Bethlehem chuan Lalhmangaihsanga Ralte an lakluh thu nimin khan an puang.

Sena Ralte hi Mizo footballer tawnhriat nei ṭha zinga mi a ni a, Mualcheng tlangval hi Royal Wahingdoh aṭanga bul ṭanin India ram club ṭha dang DSK Shivajians, Mumbai City, Bengaluru, Delhi Dynamos, ATK leh Real Kashmir tan a khel tawh.

I Day Football khelh zawh takah FC Bethlehem hian group stage paltlang lo mah se match hnuhnung berah semifinal beiseina nei Chawnpui FC chu an hneh. Tunah team tichak thei tur Sena Ralte an lakluh avangin MPL atan an phur sawt ang.