Wolves player to ber Nunes

Premier League club Wolves chuan Sporting Lisbon aṭangin Matheus Nunes an lalut. Portugal midfielder lei nan pound maktaduai 38 zet an seng a, an club player lei tawh zinga man tam ber a ni hial - season nga daih contract an ziahpui.

Brazil khawpui Rio de Janeiro-a piang a ni a, 2019 khan Sporting hi a zawm. Portuguese club tan hian match 101 a khel hman a, goal riat a khungsak - season hmasa a hman ṭhat avangin European club lian ten an ngaihven viau.

Nunes hian Portugal tan match riat a khel tawh a, kumin tawp lama khelh tur Qatar World Cup-ah pawh hian ram tana feh chhuak tur zingah thlan a nih ngei a rinawm a, club tan rinrawl a ni bawk ang.

Wolves hian 2020 khan Fabio Silva chu pound maktaduai 35.6 in an lo lei tawh a, an club record ding lai hi Nunes hian a rawn khum ta chiah. Kar tawpa Tottenham nen an inkhelh hunah inlan thei dinhmunah a ding.