Vijender-a'n Sulley a KO

Indian boxer lar Vijender Singh chuan August 17, Nilaini zan khan Balbir Singh Juneja Stadium, Chattisgarh-ah Eliasu Sulley chu knockout hmangin a hneh.

Kum 36 mi Vijender hi Indian boxer zinga Olympic leh men's world championship medal la hmasa ber a ni a, Ghanaian boxer Sulley hneh tur hian minute nga leh second sarih chiah a mamawh.

Vijender hian October 10, 2015 aṭang khan professional boxing a luhchilh ṭan a, vawi 14 inhnek a hmachhawn tawhah vawi khat chiah a la tlawm. A chak loh ṭum erawh nikum March thla kha niin Russian boxer Artysh Lopsan a hneh lo.

Haryana tlangval hian 2008 Olympic Games (Beijing) leh 2009 World Championships (Milan) ah bronze medal a la a, inelna dang Commonwealth Games (S-2, B-1), Asian Games (G-1, B-1) leh Asian Championships (S-1, B-1) ah sulhnu ṭha tak a nei bawk. Vijender hian amateur boxing-a sulhnu ṭha tak a neih hnuah professional boxing h a zawm a ni.