UCL khel tur a hriat kim hnai

Europe-a football inelna sang ber Champions League khel tur club 26 a hriat tawh a, club paruk chiah a hriat tawh lo. UCL group stage draw hi August 25, Ningani zan dar 9:30 hian Istanbul, Turkey-ah neih a ni ang.

Draw-ah hian pot 1-ah UCL champion Real Madrid leh Europa champion Eintracht Frankfurt bakah Manchester City, AC Milan, Bayern Munich, Paris Saint-Germain, Porto leh Ajax te an awm.

Tling belh tur parukte dinhmun a zirin pot dang pathum hi siam rem a la ni dawn a, tling tawh dang team 18-te chu Liverpool, Chelsea, Barcelona, Juventus, Atlético de Madrid, Sevilla, RB Leipzig, Tottenham Hotspur, Borussia Dortmund, Salzburg, Shakhtar Donetsk, Inter Milan, Napoli, Sporting CP, Bayer Leverkusen, Marseille, Club Brugge leh Celtic te an ni.

Hmunruak paruk hi Champions path leh League path-in an ṭhenhrang. Champions path-ah hi chuan ram khat champion amaherawhchu UCL group stage khelh nghal theihna ticket nei lo ho an inel. League path-ah hian champion pha si lo amaherawhchu club ṭha nei ram ni si an te thung.

Playoff chu
1st Leg Results
Champions Path
Qarabağ 0–0 Viktoria Plzeň
Bodø/Glimt 1–0 Dinamo Zagreb
Maccabi Haifa 3–2 Red Star Belgrade
Copenhagen 2–1 Trabzonspor

League Path
Dynamo Kyiv 0–2 Benfica
Rangers 2–2 PSV Eindhoven
* 2nd leg hi Aug 23 leh 24 zanah khelh a ni ang