Tanguy Ndombele-a'n Napoli a zawm hnai

France international midfielder Tanguy Ndombele chuan Totten-ham aṭangin Napoli chu loan hmangin a zawm dawn a, nimin tlai khan medical a nei.

Napoli hian Ndombele loan man atan hian euro maktaduai khat an chawi ang a, euro maktaduai 30-a lak ngheh theih dan a awm ang. Italian club hian Ndombele hlawh tam zawk an pe dawn a, Spurs pawhin a hlawh tlem azawng an la pe dawn tihna a ni.

Kum 25 mi Ndombele hi Lyon aṭangin hriat a hlawh a, Spurs-in euro maktaduai 62 sengin kum 2019 khan lalut mah se beisei angin a che ṭha lo. Season thum chhungin league-ah match 63 khelin goal ruk a khung a, season liam ta khan loan hmangin Lyon-ah a kir.

Napoli hian Sassuolo aṭangin Italian striker hmabak nei êng Giacomo Raspadori chu loan hmangin an lalut hnai a, Hellas Verona aṭangin loan hmang bawkin Gio Simeone an lalut dawn bawk.