Blasters a zawnin an chak

14th January, 2020

Indian Super League-ah Kerala Blasters chuan tun season-a a vawi khat nan a zawnin hnehna an chang a, Pathianni zan khan champion tum ngam ATK chu khualmualah 1-0 in an hneh.

South Indian club tan Halicharan Narzary chuan minute 70-naah ṭha zetin he inkhela goal awmchhun a khung a, striker hlawh hnem Roy Krishna an kawl chungin ATK-in a chhanletna tur an nei thei lo.

Kolkata club hian hliam vangin Krishna ang thoa A League aṭanga an lakluh David Williams chu an chhawr thei lo a, Pathianni zana an tlawm leh takah chuan Kerala club hi tun season-a vawi hnih an hmachhawn tawhah an la ngam lo ve ve!