India an chak nuamsa

India chuan Nilaini khan ODI match thum an khelh tura hmasa berah Zimbabwe chu wicket 10-in an hneh a, vawiin chhun dar 12:45 hian Harare Sports Club-ah match hnihna an khel ang.

Mikhual team India hi ṭhumvawrah an vannei a, vawm hmasak an thlang. Indian bowler Axar Patel (24/3), Deepak Chahar (27/3) leh Prasidh Krishna (50/3) ten wicket thum ṭheuh an la a, Zimbabwe-in over 40.3-ah 189 runs an siam.

India tan opener pahnih Shikhar Dhawan (81*) leh Shubman Gill (82*) te an che ṭha a, thi loin over 30.5-ah 192 runs siamin hnehna an chang. Zimbabwe bowler-ten Indian batsman-te an ngam lo hle.