Man United dilna an hnawl

Manchester United chuan Brazilian forward Antony lak nan Ajax chu euro maktaduai 80 (£67.6million) in an dawr a, Dutch club hian an hnawl.

Ajax hian kum 22 mi Antony hi chelh ngei an duh. Brazilian forward hian kum 2020 khan Sao Paulo aṭangin Ajax hi a zawm a, match 57-ah goal 18 a khung tawh.

United thuneitute hian Antony an la thei lo a nih chuan PSV Eindhoven winger Cody Gakpo lamah an ṭuan a rinawm. Gakpo hian kum 2026 thleng daih contract nei mek mah se a man phu tawka an dawr a nih chuan PSV an inngaihtuah thei dawn nia hriat a ni.