Thenzawlah I Day Football an zo

Tui tla vangin a hunah Zone Football Association buatsaih I Day Footnall Tournament khelh zawh theih a ni lo. Ningani tlai khan final khelh niin, inkhel hmuhnawm takah Thenzawl Field Veng chuan R. Lalnunpuia goal khat hmanga Neihloh 1-0 a hnehin an champion.

Champion hian Rs. 15,000 an dawng a, pahnihnain Rs. 7,000 an dawng thung. Neihloh goalkeeper Lalrinpuia chu best player atan thlan niin, goal 10 khungtu Lalramtiama (Neihloh) chu top scorer a ni bawk.

Tournament-ah hian Thenzawl khawchhung YMA branch 9 aṭangin team 11 bakah, Kanghmun South, Zote South, Neihloh leh Buangpui Branch YMA team te telin, an vaiin team 15 an inlan.

August ni 8 aṭanga khelh ṭan a ni a, ruahman dan chuan I Day khan zawh tur a ni. Mahse, Thenzawlah tuitla ruang zawn ngai a awm avangin, ni hnih chhung tournament hi chawlh a ni a, heivang hian final khelh hun hi a tlai.