Aguero khumtu Harry Kane

Harry Kane-a'n Tottenham tan goal pawimawh a khung a, a club tana goal 250 a khung tlinna hmang hian an mikhual Wolves chu 1-0 in an hneh. Premier League bikah club pakhat tana goal khung hnem ber record a siam nghal.

Manchester City striker Sergio Aguero khan Citizens tan goal 184 a khung a, he record hi Kane-a'n Chelsea laka a goal khung hmang khan a nih rual. England captain hian Wolves lakah khung zui lehin Argentine striker record hi a khum.

Tottenham Hotspur Stadium-a inkhelah team pahnihin goal khung an harsat. Kane leh Son Heung-min ten crossbar leh ban an tihper a, mikhual lamin goal an venghim thei viau, player ṭha Kane erawh ven reng theih a ni lo.

Corner aṭanga ball kal Ivan Perisic-a'n a lo tauh pial a, ball kal zel chu Kane-a'n hnai zetah a tauh lut. Premier League tiha hming viau a nih chinah (1992) Spurs hi mahni muala goal 1000 khung tling thei pangana an ni chiah bawk.