Vardy-a'n contract a pawtsei

Manchester United nena sawizawm striker Jamie Vardy chuan kum 2024 thleng Leicester City-a cham turin contract a pawtsei.

Kum 35 mi Vardy hian kum 2012 khan non-league club Fleetwood aṭangin Foxes hi a zawm a, kum 10 a awm tling tawh. Premier League match 272 khelhsakin goal 133 a khungsak a, 2015-16 season khan Premier League nomawi a chawipui.

Vardy hian 2019-20 season khan Premier League-ah goal 23 a khung a, top scorer a ni. England tan pawh vawi 26 inlan tawhin goal sarih a khung.

Amaherawhchu contract a pawhsei hnuah Vardy-a'n Foxes a chakpui thei lo. Inrinni zan khan Leicester hian Southampton an mikhual a, James Maddison hmangin goal khung hmasa mah se 2-1 in an chak lo.