Club record nihrualtu Zaha

Crystal Palace-in an mual Selhurst Park Stadium-ah Aston Villa 3-1 in an hneh a, Wilfried Zaha-a'n goal hnih a khung. Zaha hian kum 2022 hian Premier League-ah goal 12 a khung tawh a, calendar year chhunga goal khung tamah Luka Milivojevic a nih rual.

Kum 29 mi Zaha hian league match vawi thumah goal thum a khung a, Patrick Vieira hnuaiah hmun pawimawh chang satliah loin player hmuhnawm a tling. Villa manager Steven Gerrard erawh club a enkawl ṭantirhin che ṭha viau mah se beisei angin a che ṭha chhunzawm lo. Tun season bul ṭannaah Villa hian Bournemouth an hneh lo a, Frank Lampard a enkawl Everton an hneh zarah point thum an hmu thung.