Semifinal-ah Medvedev a chak lo

Mipa tennis world number 1 Daniil Medvedev chu Cincinnati Masters semifinal-ah a chak lo. Russian tlangval hian inkhel inhnehtawk leh hmuhnawm takah Stefanos Tsitsipas chu 7-6 (8/6), 3-6, 6-3 in a ngam lo.

Medvedev hi a khel ṭha tawk lo, double fault ringawt pawh vawi 11 ngawt a nei - ama tihsual vanga a khingpuiin point a hmuh hi a tam hle. Set hnuhnung berah pawh 4-2 a hmahruai theihna remchang nei mah se a tihsual vangin a kal fal thei lo a ni.

Semifinal inkhel dangah Borna Coric chuan Cameron Norrie 6-3, 6-4 in a hneh ve bawk. Nizan zanlai khan Croatian player Boric leh Tsitsipas ten nomawi an inchuh zui a, result erawh kan hre hman lo.

August 29 aṭangin US Open khelh a ni dawn. Tennis season khat chhunga Grand Slam hnuhnung ber khelh hmain ni a tam tawh lo, player langsar chin chuan inbuatsaih nan tournament an khel hman tawh lo ang.