A zawna chak thei Inter Milan

Inter Milan chuan Serie A nomawi lak let ngei an tum a, an thil tum hi khelmual chhungah a takin an lantir. Inrinni zan inkhelah Inter hian an mikhual Spezia chu 3-0 a sawpin point thum an hlawh chhuak.

Romelu Lukaku-a'n Chelsea aṭanga a kir leh hnuah San Siro bika a match hmasa ber a khel a, minute 35-naah Lautaro Martinez khung tur a siamsak. Argentine striker Martinez bakah hian Hakan Calhanoglu leh Joaquin Correa ten an khung ve bawk a ni.

Nerazzurri coach Simone Inzaghi chuan, "Spezia hian tun hnaiah Serie A leh Coppa Italia lamah hnehna an chang tih kan hria, a zawna chak thei an nih avangin hmachhawn an awlsam dawn lo tih pawh hriatsa a ni bawk.

"Ka nauten an hna an tlin takzet a, a tir aṭanga a tawp thlengin inkhel kan thunun thei. Goal thum kan khung a, goal dang khung theihna remchang kan insiam hnem hle bawk," tiin a sawi a, theih se chuan tun season chhungin goal 100 khung tlin theih a duh thu a sawi tel bawk.

Nizan khan champion lai AC Milan chuan Atalanta an len chilh a, result erawh kan hre hman lo.

Serie A Results
Inter Milan 3 - 0 Spezia
Torino 0 - 0 Lazio
Udinese 0 - 0 Salernitana
Sassuolo 1 - 0 Lecce