Roma director tur Francesco Totti

Italian legend Fran­cesco Totti chuan a club hmangaih AS Roma-ah director hna a chelh tur thu a tichiang ta. Kum 40-a upa Totti hian May khan AS Roma tan kum 24 zet a khelh hnuah a match hnuhnung ber a khel a, inkhel chawlhsan tura sawi a nih rualin sum tamna hmun US leh Asia lam an lo lang.

Roma-in an legend hi an club-a director hna chelh chhunzawm tura an sawm thu an sawi chamchi a, hetihrual hian Major League Soccer leh Asia lam aṭangin sum tam tham tak nen dawrna a dawng reng bawk. Totti-a'n a hma hun a tichiang lo reng a, tunah chuan a club hmangaihah bawk a cham leh dawn ta.

Totti chuan, "Player ka nih chhunga ka hun hman chu a lo tawp ta a, mahse player ka nihna ang tluk zeta hna pawimawh ka chelh chhunzawm dawn. Khelmuala hlawhtlinna ka chan ang kha chan chhunzawm zel theih ka inbeisei a ni," tiin a sawi.