Number 1 thar Pliskova

Tennis grass court season a zo a, Thawhṭanni zan khan world ranking thar pawh tihchhuah nghal a ni. World number 1 nilai Angelique Kerber-i'n Wimbledon final a luh zawh loh avangin pathum­naah a tla hniam a - German nula hmunruakah Karolina Pliskova a awm thung.

Czech Republic nula Pliskova hian kuminah Grand Slam nomawi la chawi lo mah se khelṭha tluang rei ber a ni a, Brisbane, Doha leh Eastbourne-ah te a champion thei a ni.

French Open fina­list Simona Halep-i'n a chung bera awm turin Wimbledon semifinal a thlen a ngai a, Johanna Konta hneh loin quarter­final-ah a zin­kawng a tawp. Romania nula hi pa­­­hnih­­naah a lungawi a ṭul rih.

Wimbledon champion hlim Garbine Muguruza chu 15-na aṭangin panga­naah a invawrh chho dawrh a, kum 37 mi Venus Williams pawh a sang 10 zingah a inhlangkai bawk.