West Brom-ah Egypt defender

Premier League club West Brom chuan season khat chhung atan Egypt defender Ahmed Hegazi chu loan hmangin Egyptian club Al Ahly aṭangin an lalut. An inrem dan chuan a loan hun a zawh hnuah a nghetin an lalut thei nghal bawk dawn a ni.

Kum 26 mi Hegazi hi Fiorentina tan pawh a khel tawh a, hliam a neih fo vangin Italian club tan a inlan tam lo. Season hmasa khan Al Ahly tan inelna hrang hrangah match 21 a inlan.

January thla a khelh zawh tak 2017 Africa Cup of Nations-ah khan an ram chu pahnihna a nihpui a, a khelh ṭhat theih em avangin team of the tournament atan pawh thlan tel ve a ni hial.

Feet ruk leh inches nga ngawta sang Hegazi hian season thar inbuatsaih nan West Brom squad a zawm nghal a, vawiin tlai hian Leicester City nen Hong Kong-ah Premier League Asia Trophy an khel ang.

Baggies boss Tony Pulis chuan, "Hegazi kan lalut thei hi a lawmawm a, kan team ti chak thei tur a ni. A khel ṭha a nih phawt chuan keini lam chuan contract nghet ziak turin kan kan inpeih reng," tiin a sawi.