Suangtuahna ka zui - Federer

Roger Federer chuan tennis-a a zingkawngah duhthusam a nei a, chumi ti puitling tur chuan rinna nghet tak a neih ṭhin thu a sawi chhuak.

Pathianni zan khan kum 35 mi Federer hian Marin Cilic hnehin a vawi riat nan Wimbledon nomawi a chawi a, Open Era china mipa Grand Slam nomawi chawi hnem ber a nihna chu 19-ah a ti pung chho bawk.

Swiss star Federer chuan, "Ṭha takin ka inkhelh leh theih hi ka ring ṭhin a, kumin ang em em hi chu ka beisei ngai lo. Hlawhtling tur hian ruahmanna leh duhthusam ka nei ṭhin, a hlawhtlin ngei theih nan huaisen takin hmalam ka pan ṭhin," tiin a hlawhtlinna thuruk a sawi.

A hma hun sawi zuiin Federer chuan, "Wim­bledon nomawi pariat hi ka chawi tling ang tih ka ring lawk ngai lo, mahse a rawn thleng miau si. Nikum ang khan kuminah chuan season chawhnu lam chawlh tumna ka nei hran lo a, ka dam a nih phawt chuan hard court-ah ka inlan chhunzawm ang," tiin a sawi.